【的士司機有愛系列】呢張係同失而復得嘅iPhone合照。
從來唔見電話，最心痛唔係買過部電話，係冇哂啲回憶，入面啲相、資料、Messages冇Back up就買唔返，而我去旅行嘅相仲未Back up，成個腦都係「求你俾返電話我，我情願用錢向執到嘅人買返，因為我唔想冇咗啲相😩」。
琴日Call的士帶阿Dee(我隻狗)入西貢玩，點知佢暈車浪嘔，喺一片混亂中淨係想快啲落車怕佢再嘔，唔記得袋好自己部電話，上到船先發現唔見咗，於是喪打自己電話，仲通㗎但自己校咗震機可能冇人發現，想搵返個司機(因為Call車有司機電話)但又好死唔死係用我唔見咗嗰部電話call車，搵唔返司機電話。
好彩機智嘅芒仔打咗幾次去的士App個客戶服務熱線終於有人聽，聯絡到司機搵返部iPhone，夜晚終於喺司機手上接返部電話，佢$1都冇收，淨係叫我下次小心啲，我講咗十幾廿次唔該哂唔該哂......個種失而復得嘅感覺有如喺個心入面放咗十幾個煙花。
感謝的士嘅客戶服務部門，感謝的士司機，路不拾遺嘅人心地係最好㗎😭
Search